SEEKH RAHA HU

KHA-KHA KE THOKREin CHALNA SEEKH RAHA HU,
AB MAIn AANDHIYOn ME PALNA SEEKH RAHA HU..
KISI HUMSAFAR KI CHAAHAT, DIL ME NAHI RAHI,
LAMBE SAFAR ME TANHA CHALNA SEEKH RAHA HU..
--GOPAL K.

MARNE SE PAHLE

MARNE SE PAHLE KARNE KAI KAAM BAAKI HAIn,
KAATNE KO ABHI TANHA KAI SHAAM BAAKI HAIn॥!

TUM TO PAHUCHNE KO HO MANZIL KE PAAS AB TO,
SAFAR HAI LAMBA MERA, RASTA TAMAAM BAAKI HAI॥!

MAA-BAAP, BHAI-BAHEN, KITNI HASRAT PAALE BAITHE HAIn,
IN SABKE LIYE KARNA ABHI MUJHE INTEZAAM BAAKI HAI॥!

MERE PYAR KE BADLE JO TUM MUJHPAR THE LAGA GAYE,
MAATHE SE HATAANA ABHI WO SARE ILZAAM BAAKI HAI॥!

DEKHE THE KITNE SAPNE, HASRATEin THI KITNI DIL MEin,
REH GAYA HAI DENA TUJHE IK PAIGAAM BAAKI HAI॥!

PEEKAR JISE BHULA DU, TERE DIYE HUYE GAM SAARE,
AB HAATHOn SE PEENA TERE WO JAAM BAAKI HAI॥!!


--GOPAL K.

BEKHABAR

KHABAR HI NA LAGI HUME US BEKHABAR KI,
TALAASH THI HUME SAFAR ME JIS HUMSAFAR KI॥!

SAFAR ME KUCCH AISE BHI DOST MILE HAIn JINHE,
DUNIYA KI KHABAR HAI SARI, PAR KHABAR NAHI GHAR KI॥!

KHUD TO WO BADHTE NAHI, ROKTE HAIn UNHE,
AAGE BADHNE KI PEHEL, KISI NE AGAR KI॥!

AB TAK YAKEEN NA KAR SAKA MAIn USKE JANE KA,
NA USNE ALVIDA KAHA, NA HI KOI KHABAR KI॥!!

--GOPAL K.

Mai Dil hu

Mai Dil hu to, Tu hai Dhadkan,


Tu Gul hai to, Mai hu Gulshan..




Tu Saahil hai, Kashtee hu mai,


Puja hai tu, Mai hu Chandan..

Mai Safar hu to, Manzil hai tu,


Mai Chaahat hu, aur tu hai Milan..





Tu Meri Nazar me sabkuchh hai,


Tu Khushboo hai, Tu hai Madhuban..





--Gopal K