DIL KI KASHTI MOHABBAT KE
KINAARE TAK LAAYI NA GAYI,
ISHQ THA TO SATH MARNE KI
QASAME KYUn KHAAYI NA GAYI?

MERE DIL SE KHEL KAR
ISE TOD DIYA JEE BHAR JANE PAR,
WAFAA AATI HI NAHI THI TUMHE
YA BAS NIBHAYI NA GAYI?

--GOPAL K.

MERI BHI HAI

PYAR KE IS SAAGAR ME YAAROn,
IK KASHTI MERI BHI HAI,

WAFAA KI CHHOTI SI DUNIYA ME,
IK BASTI MERI BHI HAI..!!


EK CHHOTA SA SAPNA BHI HAI,
KI SABSE MAIn YE KEH SAKUn,

INN LAAKHOn LOGOn KI BHEED ME,
IK HASTI MERI BHI HAI..!!


BAADAL, BAARISH, TIP-TIP BOONDEin,
TAAJGI BHAR DETI HAI DIL ME,

KUCHH TO MAUSAM MAST HUA AUR,
THODI MASTI MERI BHI HAI..!!


DIL TERA BECHAIN HAI,
YE JAANTA HUn MAIn SANAM,

TERE DEEDAR KI KHATIR,
NIGAAHEin TARASTI MERI BHI HAI..!!


--GOPAL K.

AAS PAAS

Kashtiyaan kyu doobti hain Saahilon ke aaspaas?

Tanhaaiyaan dekhi hai humne Mehfilon ke aaspaas..

Iss Rog ka dhoondho yaaro, Jald hi koi ilaaz,

Zakhm ke kuch daag hain, Har Dilon ke aaspaas..

Chaand se mukhde pe jab hain, Daudti Nazrein meri,

Jane kyu Ruk jati hain, Ye Tilon ke aaspaas..

Talaash me Manzil ki, Bhatakti hai Dar-B-Dar,

Thak kar baithi hain Raahein, Kaafilon ke aaspaas..!!

GOPAL K.

Mai Dil hu

Mai Dil hu to, Tu hai Dhadkan,


Tu Gul hai to, Mai hu Gulshan..




Tu Saahil hai, Kashtee hu mai,


Puja hai tu, Mai hu Chandan..

Mai Safar hu to, Manzil hai tu,


Mai Chaahat hu, aur tu hai Milan..





Tu Meri Nazar me sabkuchh hai,


Tu Khushboo hai, Tu hai Madhuban..





--Gopal K