WO NA KUCHH BHI BATAA KAR GAYE,
HAAYE, HUM KYA KHATAA KAR GAYE?

KAHTE THE HUM NAHI ROOTHTE,
TO PYAAR KYUn NA JATAA KAR GAYE?

SARI DUNIYA SATAATI MUJHE,
AAP BHI TO SATAA KAR GAYE..!!

MAINE BOLA THA LAGTI HAI "PYAAS",
"JAAM" MUJHKO THAMAA KAR GAYE..!!

--GOPAL K.

DERI

Salaam aaya na Payaam aaya,
Nahi Waqt par koi kaam aaya..

Pyaas jab badh kar Kaafoor ho gayi,
Tab mere paas dher Jaam aaya..

Jab bhi aaya to ek tera Naam,
Iss Zubaan par Subah-O-Shaam aaya..

Kaarwaan Yaadon ke iss tarah aaye,
Hokar Sawaar jaise koi Belagaam aaya..!!


Payaam= Sandesh
Kaafoor= Gaayab
Kaarwaan= Kaafila/ Yaatriyon ka Samooh

Belagaam= Bina Lagaam ke (GhudSawaar)

--GOPAL K