AADAT NAHI RAHI

WO PAHLE JAISI DIL ME TERE CHAAHAT NAHI RAHI,

ACHHA HUA JO AB MERI TUJHE AADAT NAHI RAHI..!

MERE PYAR ME TUM BHI DEEWANE THE MERI TARAH,

PYAR NA RAHA DIL ME AUR WO HAALAT NAHI RAHI..!!

--GOPAL K.

Tere Pyar Ka Saaya

Tapte Suraj ki Garmi me
Mil jaye Taruwar ki Chhaya,
Aisi hi raahat deta hai
Muze Tere Pyar Ka Saaya॥


Mann Vichlit hota hai harpal
Tuze paane ki Abhilaasha me,
Dil ki Dhadkan hai badhee hui
ye hai tere Pyar ki Maaya॥

Aisi hi raahat deta hai
Muze Tere Pyar Ka Saaya॥



Jeevan me hai Nayi Umang,
Ragon me daud raha Tarang,
Jawaan-jawaan mausam hai ab,
Dekhi jo tere Roop ki Kaaya॥

Aisi hi raahat deta hai
Muze Tere Pyar Ka Saaya॥



Jeevan ki Raahen hain lambee,
Humsafar bina mai chaloon kaise?
Bas Dil me Chaahat hai yahee,
Tu ban ja meri Humsaaya॥

Aisi hi raahat deta hai
Muze Tere Pyar Ka Saaya॥


--Gopal K Das