HISAAB

TUJHE BHULATE-BHULATE WAQT NA LAGA,
WAQT LAG GAYA BAS ZAKHM BHARNE ME॥!

HISAAB LAGA RAHA HU AB, WAQT KITNA HUA JAAYA,
HUME ROOTHNE MANAANE ME, AAPAS ME JHAGADNE ME॥!

JO MAUJOn KO CHEER KAR PAAR PAHUCHTE THE,
DARTE HAIn AB WO HI, SAHIL PAR UTARNE ME॥!!

LIKHNE ME IK GAZAL PURA DIN GUJAR GAYA,
AUR TUMHE WAQT LAGA HI KITNA ISKO PADHNE ME॥?

--GOPAL K.

JAAYA= BARBAAD
MAUJOn= PANI KI LEHEROn
SAHIL= KINAARA

GIRNE WALO PAR NA HASNA

Girne walo par na hasna, Tum bhi ek din gir jaoge,
Maaroge patthar ko thokar, To khud bhi thokar khaoge..

Kalyug me bhi hai Satyug, Dharm nahi maraa ab tak,
Karoge jaisa bharoge waisa, Kab tak PAAP chhupaoge?

Dekh ke din bure auro ke, Ab to hasnaa chhod do,
Jab gujregi ye tum par, Tab auro ko samzaaoge..

Khaak se bane ho khaak hone ko, Khaak se hi Nafrat hai Zamaane ko,
Khaak me milna hai ek din, Kab tak Mauj manaaoge?

Sab Mast Maula hain yahaan, Tu kya jane aye ‘GOPAL’
Koi nahi jo seekhe tuzse, Kab tak Updesh sunaaoge?

GOPAL K.

DOST

Dosto me bhi Anjaane bahut hain,
Din gujar gaye par afsaane bahut hain..
Shikwe-Gile kayi hain Tumse magar,
Naye to Kam hain Par Puraane bahut hain..

--Gopal K