BARSAAT HO GAYI

AAJ MAUSAM NE RUKH BADLA HAI DEKHTE-DEKHTE,
WO AAYE GHAR HUMARE AUR BARSAAT HO GAYI.

EK PAL BHI RUKNE SE WO INKAAR KARTE THE,
AAJ MERE SATH UNKI PURI RAAT HO GAYI.

TIP-TIP BARASTI BOONDO KO ZAROKHE SE DEKHTE,
NAZRE MILI HUM DONO KI AUR BAAT HO GAYI.

IK RUKH BADALNE BHAR SE BADAL GAYI DUNIYA MERI,
UNKA IQRAR ISS MAUSAM KI SAUGAAT HO GAYI.

-GOPAL K.

Tere Pyar Ka Saaya

Tapte Suraj ki Garmi me
Mil jaye Taruwar ki Chhaya,
Aisi hi raahat deta hai
Muze Tere Pyar Ka Saaya॥


Mann Vichlit hota hai harpal
Tuze paane ki Abhilaasha me,
Dil ki Dhadkan hai badhee hui
ye hai tere Pyar ki Maaya॥

Aisi hi raahat deta hai
Muze Tere Pyar Ka Saaya॥



Jeevan me hai Nayi Umang,
Ragon me daud raha Tarang,
Jawaan-jawaan mausam hai ab,
Dekhi jo tere Roop ki Kaaya॥

Aisi hi raahat deta hai
Muze Tere Pyar Ka Saaya॥



Jeevan ki Raahen hain lambee,
Humsafar bina mai chaloon kaise?
Bas Dil me Chaahat hai yahee,
Tu ban ja meri Humsaaya॥

Aisi hi raahat deta hai
Muze Tere Pyar Ka Saaya॥


--Gopal K Das