HUMSAFAR THA KABHI

WO MERA RAHGUZAR HI AAJ AJNABI BAN GAYA,
JO SAFAR ME MERA HUMSAFAR THA KABHI..!!

AAJ BE-ASAR HAIn MERI BAATEin USKE LIYE,
ANKAHEE BAATOn KA BHI USPAR ASAR THA KABHI..!!

AB SHAAM DHALTE HI NEEND AA JATI HAI USE,
JAAGTA SATH MERE JO RAAT BHAR THA KABHI..!!

AB JHOOTH BHI BOLTA HAI WO SACH KI TARAH,
KHUDA KA USKE DIL ME BHI DARR THA KABHI..!!

DARNE LAGA HAI AB WO APNE HI SAAYE SE,
SHER SA MAJBOOT USKA JIGAR THA KABHI..!!

IS TARAH NAFRAT SE TO WO NAZAR NA FERTA?
MERE LIYE USKE DIL ME KUCHH AGAR THA KABHI..!!

--GOPAL K.

DIL KA DIL

Dil ka Dil Khamosh hai,
Par Dil se Dil ki Baat huyi,

Na wo bole na hum bole,
Lekin saari Raat huyi॥


Bas Dil hi Dil me Chaahat thi,
Jee bhar ke dekh lene ki,

Waada na kiya tha milne ka,
Par Har Qadam Mulaakat huyi॥


Jo Jung chalaa hai Sadiyon se,
Uska Anjaam to suniye,

Apni Mohabbat Jeet gayi aur,
Nafrat ki fir Maat huyi॥


Sadiyon se Pyaasi thi,
Meri Chaahat ki Dharti,

Tum mile jabse humko,
Ishk ki Barsaat huyi॥

--GOPAL k.

Suno Musharraf..!!

Miyaa Musharraf suno to Yaar,

Kaahe karte ho Seema Paar?

Teen baar to pit hi chuke ho,

Pitoge fir tum chauthee Baar..

Fir se aa gaye ho ladne?

Lekar khanzar wo bhi Udhaar?

Clinton tumko gaya lataad,

Aur Bharat k sang kiya Qaraar..

Gar dekhoge Kashmeer ko tum,

Bhoot bana denge tumhe Maar-Maar..

Kaahe Panga liye firte ho?

Tabhi to tum ho gaye Bekaar..

Naaspeete suno dhyaan se,

Nafrat chhodo kar lo Pyaar..


GOPAL K.