“YE AAG KAB BUJHEGI ?” (FILMI KSHADIKAAYEIN)

Har taraf Hinsaa
Har jagah “VAARDAAT”
“YE AAG KAB BUJHEGI ?”
Chunaav ke baad॥!!

“DO MATWAALE’’ (FILMI KSHADIKAAYEIN)

‘Aaj’ ‘kal ’

Ek mat (Vote)

Wale ke peechhe

Sare Neta pareshaan hain,

“DO MATWALE” to

Bahut ‘Mahaan’ hain॥

DIL KA DIL

Dil ka Dil Khamosh hai,
Par Dil se Dil ki Baat huyi,

Na wo bole na hum bole,
Lekin saari Raat huyi॥


Bas Dil hi Dil me Chaahat thi,
Jee bhar ke dekh lene ki,

Waada na kiya tha milne ka,
Par Har Qadam Mulaakat huyi॥


Jo Jung chalaa hai Sadiyon se,
Uska Anjaam to suniye,

Apni Mohabbat Jeet gayi aur,
Nafrat ki fir Maat huyi॥


Sadiyon se Pyaasi thi,
Meri Chaahat ki Dharti,

Tum mile jabse humko,
Ishk ki Barsaat huyi॥

--GOPAL k.

MAI HU NETA

Logon ko Bhadkaata hu,
Aapas me Ladwaata hu;
Unki Dhan-Sampatti lekar,
Fir mai Mauj manaata hu..

Gaban kar ke Sarkaar ki,
Aankhon me Dhool Udaata hu;
Gehu, Chaawal, Daal Dabaakar,
Mahage Daam Kamaata hu..

Badh gayi hai Aabadi Desh ki,
Dange kar ke Marwaata hu;
Swaarth Siddh karne ko Apni,
Logon ki Balee Chadhaata hu..

Tikdam se Kurshi karta Haasil,
Sabki Sarkaar giraata hu;
Acting me bhi mai hu Maahir,
Ghadiyaali Aansu bahaat hu..

Kale Kartooton ki Kaalikh lagne par,
Noton se Daag Chhudaata hu;
Mai hu NETA tere DESH ka,
Tum sab par Raaj chalaata hu..


GOPAL K

DHARTI-MAATA

Seene pe chale hain Khanjar itne,
Dhartee ka Seena Taar-Taar hai..
Dhartee Maa ke Zakhm ye saare,
Hum Beto ka Uphaar hai..

Chup rahegi kaise bhalaa?
Bhaar sahegi ye kab tak?
Apne hi Beto se aakhir,
Maar sahegi ye kab tak?
Din-O-Din Jansankhyaa ka,
Badhtaa ja raha Bhaar hai..
Seene pe chale hain Khanjar itne,
Dhartee ka Seena Taar-Taar hai..

Ped kat rahe hain saare,
Dhartee ho rahi hai Banjar..
Fir bhi ruka nahi chalna,
Dhartee ke Seene par Khanjar..
Chhute hi Patthar katt jaye,
Khanjar ki aisi Tej Dhaar hai..
Seene pe chale hain Khanjar itne,
Dhartee ka Seena Taar-Taar hai..

Lut rahi hai SareAam,
Izzat Paryavaran ki..
Aankhon se khud dekh lo,
Haalat waatavaran ki..
Soch samajh ke dekh le Maanav,
Ye sab to teri hi Haar hai..
Seene pe chale hain Khanjar itne,

Dhartee ka Seena Taar-Taar hai॥

--GOPAL

BASANT

Aaya Basant Ritu Paawan,
Lekar sang madmast Saawan..

Baagon pe chha gayi Bahaar,
Saajan ka banu mai Pyaar..

Jhoola dalo Ri Sakhiyaan,
Kabse tarse thi Ankhiyaan..

Bachpan ke din aaye Yaad,
Mili Sakhee Dino ke baad..

Badhaa Paig Jhoola jhoolein,
Hum tum is Nabh ko chhu lein..

Yaad reh jaye ye Saawan,
Naachu itna karta Mann..

Odhee mai Dhaani Chunri,
Bole Koyal tu Sun Ri..

‘Pihoo-Pihoo’ Panchhi bole,

Piya Naam sun Mann dole..!!

GOPAL K.

GIRNE WALO PAR NA HASNA

Girne walo par na hasna, Tum bhi ek din gir jaoge,
Maaroge patthar ko thokar, To khud bhi thokar khaoge..

Kalyug me bhi hai Satyug, Dharm nahi maraa ab tak,
Karoge jaisa bharoge waisa, Kab tak PAAP chhupaoge?

Dekh ke din bure auro ke, Ab to hasnaa chhod do,
Jab gujregi ye tum par, Tab auro ko samzaaoge..

Khaak se bane ho khaak hone ko, Khaak se hi Nafrat hai Zamaane ko,
Khaak me milna hai ek din, Kab tak Mauj manaaoge?

Sab Mast Maula hain yahaan, Tu kya jane aye ‘GOPAL’
Koi nahi jo seekhe tuzse, Kab tak Updesh sunaaoge?

GOPAL K.

गीतों की माला

अल्फाजों के मोती चुन-चुन कर गीतों की माला मै बुनता हूँ,
जिसे सुनकर सब कुछ भूल सकूँ मै ऐसी गज़लें सुनता हूँ..

गोपाल के.

Himmat

Himmat se har Mushkil Aasaan hoti hai,
Chinta to maut ke samaan hoti hai..

Teer na Talwaar, Aur na hi Bandook,

Himmat akeli Jeet ka Saamaan hoti hai..

GOPAL K.

WAFAA

Wahi Shaam, wahi Gam aur wahi Tanhaayiyaan,
Sath hai apne to bas Yaadon ki Parchhaayiyaan..

Mehfilon ke beech me Hardam Tamaasha hum bane,
Dil se Wafaa jati nahi Milti rahi Ruswaayiyaan..

GOPAL K.

Meri Aankhen Namm ho kyon?

Paya hi na tha tuze to, khone ka Gam ho kyon?
AshQon ke Khazaane se ye Motee kam ho kyon?

Darmiyaan apne kabhi Chaahat rahi hi nahi,

Fir bhala tere liye Meri Aankhen Namm ho kyon?

GOPAL K.

TSUNAAMI

Dil ke gahre Saagar me Sunaami aane wala hai,
Ishk-E-Mohabbat, Chain-Khushi sab doobne wala hai..

Gam ki Hawaayen tez chali hain AshQon ke Sailaab uthe,
Aaj tumhe jab maine apne Dil se nikala hai..!!

GOPAL K.

Mohabbat Ke Zakhm

Teri saanso ki mahek aati hai aaj bhi,
Kya tu bhi mere sath bahek jati hai aaj bhi?

Do din ki Mohabbat ne diya Umar bhar ka Zakhm,

Yaad tu aati hai to Aankhen Chhalak jati hai aaj bhi !!

GOPAL K.

Mohabbat Ke Zakhm

Teri saanso ki mahek aati hai aaj bhi,
Kya tu bhi mere sath bahek jati hai aaj bhi?

Do din ki Mohabbat ne diya Umar bhar ka Zakhm,

Yaad tu aati hai to Aankhen Chhalak jati hai aaj bhi..!!

GOPAL K.

BHAKTI GEET (PARODY )

TARZ- HASNE KI CHAAH NE ITNA MUZE RULAAYA HAI,
KOI HUMDARD NAHI DARD MERA SAAYA HAI..

FILM-AAVISHKAAR
SINGER- MANAA DEY

PARODY—

Mai yahaa khud nahi aaya tune bulaya hai,
Ye Jahaa kuchh bhi nahi Bas ye teri maaya hai..

Mai to uljhaa hi raha Zindagi ki maaya me.
Fass gaya Panchhi, Pinjare ki kaaya me..!
Khuli hai aankh ye, Jab thokrein ye khaya hai..
Ye Jahaa kuchh bhi nahi Bas ye teri maaya hai..!!

Hum bhatakte hi rahe, Bhakti bhari Raahon se,
Tune thaama hai hume, Pyar bhari baahon se..!
Teri Bhakti mili Jeewan ye Muskuraya hai..

Ye Jahaa kuchh bhi nahi Bas ye teri maaya hai..!!

GOPAL K

Suno Musharraf..!!

Miyaa Musharraf suno to Yaar,

Kaahe karte ho Seema Paar?

Teen baar to pit hi chuke ho,

Pitoge fir tum chauthee Baar..

Fir se aa gaye ho ladne?

Lekar khanzar wo bhi Udhaar?

Clinton tumko gaya lataad,

Aur Bharat k sang kiya Qaraar..

Gar dekhoge Kashmeer ko tum,

Bhoot bana denge tumhe Maar-Maar..

Kaahe Panga liye firte ho?

Tabhi to tum ho gaye Bekaar..

Naaspeete suno dhyaan se,

Nafrat chhodo kar lo Pyaar..


GOPAL K.

Doori

Padh-padh ke mera khat,

Tere Aansu na Chhalakte,

Hota jo mai kareeb to,

Na rote na Bilakhte..

Hotho se jise choom ke,

Na bahne diya kabhi,

Ye Aankh ke moti hain,

Ye moti na Dhalakte..

Aata agar khayaal to,

Khud ko mai rokta,

Zazbaat me sang mere,

Tum bhi na Bahekte..

Phoonk dete tum bhi gar,

Karke Sakht Dil,

Ye ishk ke Chiraag,

Aise na Dahekte..

GOPAL K.

AAS PAAS

Kashtiyaan kyu doobti hain Saahilon ke aaspaas?

Tanhaaiyaan dekhi hai humne Mehfilon ke aaspaas..

Iss Rog ka dhoondho yaaro, Jald hi koi ilaaz,

Zakhm ke kuch daag hain, Har Dilon ke aaspaas..

Chaand se mukhde pe jab hain, Daudti Nazrein meri,

Jane kyu Ruk jati hain, Ye Tilon ke aaspaas..

Talaash me Manzil ki, Bhatakti hai Dar-B-Dar,

Thak kar baithi hain Raahein, Kaafilon ke aaspaas..!!

GOPAL K.

SAMZAA DO

Ye samza do Sarkaar ko,
Jeet me badle haar ko..

Mehgaayi ko rota nahi,
Rota hu bhrastaachaar ko..

Choose khoon Desh ka neta,
Deta hai Sharan ‘Faraar’ ko..

Kamjoron ko Hadkaate hain,
Karte hain Naman DumDaar ko..

Paisa hi Paise ko kheeche,
Roji na mile ‘Bekaar’ ko..

Khud to samaz lo pahle tum,

Samzaana fir Sansaar ko!

--GOPAL

KEEMAT

Hai Keemat Mitti ki bhi yaha,

Insaan ki Keemat kuch bhi nahi,
Be-Imaano ki ban gayi duniya,

Imaan ki Keemat kuch bhi nahi ॥

Teri Khushiyon ki khaatir jab,

Khud Bazaar me jaake khadaa huaa,
Tab jake ye Ehsaas huaa,

Iss Jaan ki Keemat kuch bhi nahi॥

Mitti se bana Mitti ke liye,

Bikte hain Mitti ke Bhagwaan,
Dil me Jhaanka to pata chala,

Bhagwaan ki Keemat kuch bhi nahi॥!!

--GOPAL

DERI

Salaam aaya na Payaam aaya,
Nahi Waqt par koi kaam aaya..

Pyaas jab badh kar Kaafoor ho gayi,
Tab mere paas dher Jaam aaya..

Jab bhi aaya to ek tera Naam,
Iss Zubaan par Subah-O-Shaam aaya..

Kaarwaan Yaadon ke iss tarah aaye,
Hokar Sawaar jaise koi Belagaam aaya..!!


Payaam= Sandesh
Kaafoor= Gaayab
Kaarwaan= Kaafila/ Yaatriyon ka Samooh

Belagaam= Bina Lagaam ke (GhudSawaar)

--GOPAL K

Aam Aadmi

Umar badhti jati kam hoti Zindgi,
Maut ke Ehsaas ko kyu khoti Zindgi?

Daaman me lagi Aag Bujhegi kis tarah?
Ab bhi Bekhabar si hai Soti Zindgi..

Hastee thi kabhi ye auro ko dekhkar,
Haalat pe ab apni Khud Rotee Zindgi..

Chaha nahi tha ban-na par Bojh ban gaya,
Mai hu Zinda Laash mujhe Dhotee Zindgi..!!


GOPAL K.

Tere Pyar Ka Saaya

Tapte Suraj ki Garmi me
Mil jaye Taruwar ki Chhaya,
Aisi hi raahat deta hai
Muze Tere Pyar Ka Saaya॥


Mann Vichlit hota hai harpal
Tuze paane ki Abhilaasha me,
Dil ki Dhadkan hai badhee hui
ye hai tere Pyar ki Maaya॥

Aisi hi raahat deta hai
Muze Tere Pyar Ka Saaya॥



Jeevan me hai Nayi Umang,
Ragon me daud raha Tarang,
Jawaan-jawaan mausam hai ab,
Dekhi jo tere Roop ki Kaaya॥

Aisi hi raahat deta hai
Muze Tere Pyar Ka Saaya॥



Jeevan ki Raahen hain lambee,
Humsafar bina mai chaloon kaise?
Bas Dil me Chaahat hai yahee,
Tu ban ja meri Humsaaya॥

Aisi hi raahat deta hai
Muze Tere Pyar Ka Saaya॥


--Gopal K Das

Mai Dil hu

Mai Dil hu to, Tu hai Dhadkan,


Tu Gul hai to, Mai hu Gulshan..




Tu Saahil hai, Kashtee hu mai,


Puja hai tu, Mai hu Chandan..

Mai Safar hu to, Manzil hai tu,


Mai Chaahat hu, aur tu hai Milan..





Tu Meri Nazar me sabkuchh hai,


Tu Khushboo hai, Tu hai Madhuban..





--Gopal K

Mulaakaat

Aaj yun hi unse Mulaakaat ho gayi,

Jo Dil me chhupi thi Unse wo baat ho gayi..

Jaagne ki aadat na thi muzme magar,

Baaton hi baaton me sari Raat ho gayi..

--GOPAL K

Muskurate raho

Gam ko hasi me Chhupate raho,

Dard me bhi Muskurate raho॥

Bhaag jayenge Gam tumhe dekhkar,

Bas Haste raho KhilKhilate raho..!

--Gopal K

Tanha-Tanha

Tanha-Tanha firta hu is pure jahaan me,

Sannaate hain Goonjte Ab mere kaan me..

Kaun kehta hai Akela hu main yahaan?

Tanhaayion ka deraa hai Mere Makaan me..!

_Gopal K

Pyar

Kyu kisi se itna Pyar ho jata hai?

Ki bina uske jeena Dushwaar ho jata hai..

Hoti to hai Sath apne Duniya saari,

Par Humare liye Wo hi Humara Sansaar ho jata hai..

--Gopal k

DOST

Dosto me bhi Anjaane bahut hain,
Din gujar gaye par afsaane bahut hain..
Shikwe-Gile kayi hain Tumse magar,
Naye to Kam hain Par Puraane bahut hain..

--Gopal K

Das ki tarah

Rishta na toote kabhi Vishvaas ki tarah,
Khushiya baanto sabme Aakash ki tarah..

Ban-na ho kisi ki tarah to Dhyaan se suno,
Ban jao tum bhi Gopal Das ki tarah..

Ha Ha Ha.. just joking..

NAHI RAHA

ALFAAZ HAI WAHI PAR EHSAAS NAHI RAHA,
TU DOOR BHI NAHI GAYA PAR PAAS NAHI RAHA..

DIL KI BAATO KO AB TO BOL HI DAALO,
TAB SUNEGA KAUN JAB DAS NAHI RAHA..!!

--GOPAL K DAS

KIDHAR JAYENGE?

Chalne se pahle sochna kidhar jayenge?
Jayenge ghar se door, ya ghar jayenge?

Inn mushkilon se haar na maano kabhi,
Deewar hain ye ret ke bikhar jayenge..

Saahil ki Or dekh tu aur badhaa chal,
Khud me hi fasske doob ye bhanwar jayenge..

Jamaa ke rakh Qadam ko, Qadam dar Qadam,
Jo daudte hain dekhna wo fissal jayenge..

Hum wo nahi jo sath chhod dein Majhdhaar mein,
Degaa tu Awaaz to wahin Theher jayenge..


--Gopal K.

Mere Hisse Me Tanhayi Kyu Hai??

Dil ki dhadkan se judaayi kyu hai?

Gam ki kaali ghata chhayi kyu hai?

Gam ki ye aag bujhaaun kaise?
Tune ye aag lagaayi kyu hai?

Mai to wapas chala tha ghar ki taraf,
Dil ne fir ummeed jagaayi kyu hai?

Hain kayi Dost mere fir bhi magar,
Mere hisse me Tanhayi kyu hai?


---GOPAL K